諸葛紫岐曾經表示豬年大計系努力造人，為仔仔薛華韜追多一個細佬或者細妹，果然就講得出做得到，諸葛紫岐與老公薛嘉麟追B成功，二仔Andersen喺月于加拿大出世，重6.8磅。
今年一月出席完活動之後，諸葛紫岐就未有喺公開場合蒲頭，原來當時佢已經造人成功，為咗迎接小生命，全面停工，由于生第一胎時壓力過大，所以同老公決定喺第二胎時低調進行，同時選擇喺加拿大養胎以及生B。 
五年前，諸葛紫岐生第一個BB嗰陣，選擇咗開刀剖腹產，不過勇氣可嘉嘅諸葛紫岐今次就選擇咗自然分娩，雖然要經歷十級陣痛，但系身體復原嘅時間就會短一D，而老公就全程陪伴喺身邊，并親手為BB剪臍帶。 
而家，諸葛紫岐就親自向大家報喜，分享再次為人母嘅喜悅，“薛家二公子豬年同大家見面，今次系順產，感覺更加激動，情緒比較波動，好感動，我同老公都有喊”。 
大仔嘅英文名叫Arthur系字母A開頭，細佬最終嘅英文名決定權落喺咗哥哥嘅手上，Andersen就系由哥哥選擇，中文名還未改好，宜家一家四口已經返香港，兩公婆從換尿片到喂奶都親力親為，返香港後諸葛紫岐會好好坐月。 
問到點慰問老婆，老公薛嘉麟就笑住話，會24小時陪伴喺身邊，坐完月子后會帶老婆去旅遊。 
真係好幸福，總之，祝福一家四口永遠幸福快樂啦！
Like MisshkNews Facebook！不出门也能知天下事～
