前「TVB花旦」李彩華近年專注喺大陸發展，自從2011年喺大陸劇《回家的誘惑》「艾莉」呢個角色成功入屋，人氣急升，成功打進大陸市場。
李彩華事業得意，愛情亦順利，今年2月份宣佈與拍拖半年嘅內地男友Eric Huang「閃婚」，正式榮升黃太，之後再補辦婚宴。
呢排李彩華出席舞臺劇《恒河經變》記者會，以劇中造型登場，大家都關心佢幾時開始造人，李彩華話：「未得住，依家自己未準備好，但我不嬲飲開中藥，身體幾好。」
不過網民睇完李彩華記者會嘅最新近照，就將重點擺喺佢塊面上，指佢個樣略顯腫脹同僵硬，疑似打咗針，唔係好自然，一下唔好認得佢係李彩華。
亦有網友留言感慨佢以前更靚，而家有啲似陳敏之、關詠荷嘅混合體，「成日搞亂佢同李施華」、「點解35歲但似53歲」、「《回家的誘惑》已經有整容」。你哋又覺得李彩華個樣有冇唔同？
Like MisshkNews Facebook！不出门也能知天下事～
