曾經獲1989年香港小姐冠軍嘅陳法蓉，最近喺社交平臺分享愛情觀：「我自己一個人幾好，想睇書就睇書，攰咗就瞓覺，唔想聯繫邊個就自己安靜一陣，去旅行或者宅喺屋企點都好。對愛情仲係保持啲潔癖，唔求其開始，唔急住妥協。」
仲唔到一個月，陳法蓉就要過52歲生日喇，不過佢保養得宜，一啲睇唔出真實年紀，2016年仲短暫返TVB拍攝《賭城群英會》，并唔輸蝕一眾後生小花。
而陳法蓉喺娛樂圈嘅好姊妹蔡少芬、洪欣同朱茵都相繼結婚生子，組織家庭，而佢雖然戀情不斷，卻一直未婚。
第一段公開嘅戀情係1994年喺倪震與周慧敏分手之后，陳法蓉就同倪震相戀過，不過兩年后倪震同周慧敏再度復合，而陳法蓉自然恢復單身。
2001年，陳法蓉與富商許晉亨（而家李嘉欣老公）拍拖，當時陳法蓉嫌男方經常去夜店識其他女仔，戀情僅維持半年就分手。
2000年后陳法蓉離開TVB去內地發展，之后同內地男演員楊俊毅傾過一段姐弟戀，有傳當年兩個人低調拍拖4年，不過最后都係無疾而終，楊俊毅而家已經成家立室。
最轟動亦係最可能開花結果嘅戀情，當屬2008年陳法蓉被指搶走陸詩韻嘅油王男友朱明，兩個人更一度傳出過婚訊。
但兩個人拍拖唔到一年分手，朱明畀發現原來係空心油王，男方一早已經破產，仲欠債數億，最后成個人都失咗蹤。
之後陳法蓉嘅感情一直空白到而家，并醉心工作，2009年拍劇期間，更患上嚴重嘅胃液倒流而短暫退出幕前，直到2013年先重新復出拍劇。
唔理點樣，梗係希望陳法蓉可以早日傳出好消息，揾到屬於自己嘅幸福！
Like MisshkNews Facebook！不出门也能知天下事～
