前「TVB花旦」廖碧兒（Bernice）呢幾年事業順利，但愛情就未有著落，佢坦言過去幾段感情冇令自己受傷，反而學識點同人相處，學識點愛錫自己。
廖碧兒自細由婆照顧，兩婆孫種菜、搣蒜頭，簡單生活已經令佢最開心，反擊外界指佢「釣金龜」，不過最令佢受打擊係腰傷之苦，令佢體會到屋企人同健康先係最緊要。
現年41歲嘅廖碧兒，19歲就參加華裔小姐，由選美到做戲，再涉足紅酒事業、餐飲生意，事事如意，感情就落空。
廖碧兒坦言想結婚生仔：「其實都想，但冇得強求，要有啱嘅partner，溝通到先，我冇乜時間搵，佢哋會搵我。」
唔理點樣，都係希望廖碧兒可以早日覓得如意郎君，加油！
Like MisshkNews Facebook！不出门也能知天下事～
