前TVB小生轉行做「雞佬」還清巨債，吃苦耐勞深得街坊喜愛

前「TVB小生」李雨陽係2003年電視劇《當四葉草碰上劍尖時》第二男主角，星運發展平平，2012年離開工作9年嘅TVB，轉投王維基嘅香港電視。

但香港電視最終不獲發牌，李雨陽頓時失業。為生活借卡數40萬，後來轉行賣雞做「雞佬」慢慢將債務還清，兩年前結婚生仔組織美滿家庭。

最近李雨陽喺觀塘廣場開小食店，網友好鐘意，更加大贊佢自力更生，好捱得苦。

據悉，餐廳一共有三個股東，李雨陽係其中一個，佢投資咗三十萬，每一個股東都有唔同崗位，而李雨陽畀股東叫做招財貓，因為拍過電視劇做過演員有人氣，小食店特別多人幫襯。

李雨陽直言做生意好滿足感，但仍然鐘意拍戲，雖然佢已經好少出現喺香港電視螢幕上，但原來近年北上發展嘅佢其實係「越撈越掂」，紅到返大陸。