前TVB小生與港姐太太慶祝周年紀念日，撐臺腳食西餐

現年45歲前TVB小生洪天明，尋晚與太太周家蔚現身張敬軒開嘅仙后餐廳內，齊齊撐臺腳食西餐，見到兩公婆身邊冇細路，靜英英享受浪漫二人世界，原來，佢哋喺慶祝結婚7周年紀念日，唔怪得從平時嘅四人行變成二人行啦！

前港姐周家蔚于社交網曬出餐廳歌手表演嘅短片，片中可見洪天明似乎聽得好陶醉，周家蔚又輕撫老公塊面，雖然結婚已經7年，仔都有兩個，但兩公婆仍然糖黐豆。

今日周家蔚又現身社交網，再曬出與老公嘅浪漫合照，見到二人衣著復古風悉心打扮，老婆身穿白色嘅星星裙，而洪天明就著得西裝骨骨，好英氣噉依偎喺老婆身邊，實在系羨煞旁人。佢仲發文閃爆：「7年啦老公！我愛你！」唔少網民見到都紛紛送上祝福！

話說，老爺洪金寶較早時公開表示希望周家蔚生夠三個，更加點名最希望見到洪天明生多一個B女，洪天明就攪笑形容自己只系「入錢」然后「扭蛋」，而最終嘅決定權仲系喺太太身上，令老婆周家蔚感覺責任重大。唔知會唔會好快傳嚟佢哋嘅第三胎好消息呢？

1974年出世嘅洪天明，佢系中韓混血兒，系人都知道佢系著名演員兼導演洪金寶嘅長子。而老婆周家蔚就系2006年度香港小姐競選嘅亞軍得主，二人于2012年正式結婚，據聞喺婚禮嗰晚，齊集咗香港娛樂圈名人出席，星光熠熠。

洪天明系無線多年，拍劇、主持形象都深入民心，相信好多觀眾都記得，佢曾經參加《獎門人》系列綜藝節目，聽講當時喺節目中洪天明贏得咗2萬件壽司，食到2018年都仲未食完。

至於拍劇方面，洪天明一直都徘徊二三線男主角戲份，曾經喺多部劇集中擔任過重要角色，作品包括《無名天使3D》、《佛山贊師父》、《建筑有情天》、《有營煮婦》、《誘情轉駁》、《居家兵團》、《仁心解碼》、《飛虎2》、《潮拜武當》以及《拆局專家》等。

除此之外，佢仲接拍過內地電視劇，分別就系《活佛濟公3》、《沖天炮》。直到舊年12月尾，服務無線超過二十年嘅洪天明正式約滿TVB，并不再續約選擇離巢發展。