前TVB小生為養嫩妻暴肥復出，揚言對票房有信心，準備接拍TVB劇集

前TVB小生魏駿杰近年喺內地經營飲食生意，幾乎淡出幕前嘅佢最近出席活動嘅時候，突然間自爆自己已經復出拍攝內地電影，過過戲癮。

雖然好耐未見人嘅佢已經發福唔少，但魏駿杰依然揚言對電影票房好有信心。

近年主力經商嘅魏駿杰身型發漲，最近罕有出席活動時表示：原本諗住以客串形式參演，但最後都系參演曬成套商戰電影，預料準備喺8月份全國公映。

雖然自己年紀大咗而且發福，但因為經歷多咗反而變得好有信心。

今次嘅角色系一個自大嘅人，因為經歷失敗之後再成長同自己好似，所以更容易投入。

除此之外，魏駿杰更表示雖然拍劇好辛苦，但只要有好劇本，佢都會考慮，不過除咗唔想再飾演差佬之外，其他角色好似如：變態殺手、反派、醫生都可以。

魏駿杰畢業于香港演藝學院戲劇系，喺同校師兄黃秋生嘅引薦下，加盟香港無線電視成為旗下藝員出道。

另外，佢仲透露有意返香港拍劇，指自己同TVB仲有一部劇嘅合約，不過按照佢以往喺香港嘅形象，TVB或者唔會邀請佢回巢。

當年，喺佢當紅嘅時候，曾經與滕麗名由螢幕情侶，戲假情真發展成戀人一事轟動全港。

最后卻出軌女大學生，狠心拋棄拍拖9年嘅女友滕麗名，因而落得賤男之名。