日前，藝人羅天宇出席咗「明星慈善籃球賽」，同場出席嘅仲有森美、周志康、翟威廉、蘇皓兒等，一眾藝人都一齊喺運動中揮灑汗水，齊齊為慈善出一份力。
事後，羅天宇喺接受訪問時就透露自己對陽光過敏，喺拍攝外景時畀曬傷，佢話：「尋日腫到好似只豬腳噉，好在今日擦咗cream褪咗啲，所以今晚就可以打到籃球，好多活動都做唔到，最主要系拍外景，因為拍外景好多時都會長時間喺陽光底下。」 
傾到最近嘅工作，羅天宇呢排就忙住為TVB新劇《降魔的2.0》攝影，雖然入行多年，不過原來呢次系佢首次參與拍攝「打戲」，對于佢嚟講系一個全新嘅挑戰。
佢話：「拍完成功感好大，因為有時啲動作都唔系咁易做，尤其系我哋拍嗰位系石灘嚟嘅，好多石嘅，所以好多時候都失重心，其實系一個磨練嚟嘅，或者今次拍完之後，自己都真系去咗學習，練呢方面嘅嘢，好實用。」
而較早時佢跟前度湯洛雯一齊遠赴到挪威拍攝《3日2夜》，兩人均喺社交平台曬出「同步」單人相，唔少網民更紛紛留言要求兩個人復合。
對此，羅天宇就笑說：「因為我哋本身都有聯絡嘅，我哋去嘅時候好有默契，佢又知道應該點去溝通，所有嘢都唔使太顧及大家嘅感受，因為大家已經好熟悉對方，變相拍攝嗰陣好順利。」
至於復合方面，羅天宇好尷尬，佢坦言：「呢方面就遲啲再算啦，而家都系專注返事業先。」
1987年出世嘅羅天宇，喺2008年嘅時候，曾經參加過《香港先生選舉》，更成功奪得咗少年組冠軍，喺競選結束後，佢就加入到TVB，開始發展其演藝事業。
期間更參與拍攝咗唔少嘅電視作品，不過最讓人熟悉仲系喺《愛回家》中飾演嘅「馬子仁」。
據悉，喺跟住落嚟嘅新劇《包青天再起風云》、《她她她的美女時代》中羅天宇同樣有份演出，大家記得千祈唔好錯過！
Like MisshkNews Facebook！不出门也能知天下事～
