呢幾年TVB一直鬧人才荒，面對一個個演技派踏入40歲，無奈之下TVB唯有另捧她人，TVB原本以為李佳芯聽教生性，形象正面，於是送咗佢一個視後寶座穩定軍心，可惜佢自己言行失德，連番畀雪藏。
而前華姐張曦雯就靠打機直播、講粗口成功上位，打破咗自己高不可攀嘅形象，畀宅男捧為打機女神。
舊年開始，張曦雯開始上網直播打機，既公開自己貼地宅女一面、亦吸引唔少機民，人氣急升。
自從嗰陣開始，TVB就睇好張曦雯，頻頻邀請視帝同佢合作拍劇，實行全力谷佢上位，比如馬德鐘、郭晉安、王浩信等人，都係佢嘅拍檔。
雖然張曦雯睇落好似混血，但其實佢家底普通，并非嚟自富裕人家，其父母係草根，移民前居住黃大仙下邨公屋。
張曦雯老竇任職技工，媽咪就同朋友合資經營一間美容鋪，收入一般，張曦雯原名叫張詠欣，直到佢兩歲嗰陣有相士指點，改咗做曦雯。
張曦雯喺當選華姐冠軍之後，並冇受到TVB力捧參與劇集拍攝，反而畀派去明珠臺做主持《Pearl Tonight》，意外嘅係主持節目得到網友關注，自此走上上位之路。
直到今年開始，張曦雯機會殺到，連演四套重頭劇，就連梅小青嘅《法證先鋒IV》唔可以編張曦雯為幕後大BOSS，就驚影響佢上位之路。
張曦雯走紅之後，根本就冇受到疫情影響，依然形勢大好備受力捧工作多多，畀TVB安排出席各種活動，更被大型品牌喜愛，為國際大品牌拍過廣告、亦受請做名車發布會司儀。
日前，張曦雯盛裝打扮喺灣仔出席完活動之後，佢同陳浚霆傾計等落班，全程笑容甜美，同時仲有TVB高層曾勵珍，張曦雯一見到珍姐，張曦雯用更燦爛笑容，主動同珍姐指點方向，好識博高層歡心。
唔怪得，張曦雯即使有一個拍拖4年嘅混血男友Brunyez，都無懼上位之路，舊年佢已經攞咗飛躍進步女藝員大獎，今年張曦雯每一套劇集都係重頭戲，唔知佢會唔會更上一層樓呢？
Like MisshkNews Facebook！不出门也能知天下事～
