今朝，前港姐馮盈盈喺社交平臺高調宣佈與醫生男友鐘文浩分手，結束四年情。其實馮盈盈今年6月同男友發展到同居試婚關係，早前男友買樓做業主，馮盈盈更瞞住父母主動貼首期，被外界認為「打風都打唔甩」。
不過同居短短1個月，馮盈盈更自爆雙方生活上有好多分歧，更畀男朋友指佢自私、唔上進、唔識改進，佢坦言大家過得好辛苦，真係「相見好同住難」。
喺同居呢半年，馮盈盈嘅事業有咗變化，先係佢喺劇集《白色強人》獻出銀幕初吻畀何廣沛，佢仲正面面對，唔單止同男朋友一齊睇，仲帶埋何廣沛一齊三人行并曬合照。
不過之後馮盈盈喺劇集《解決師》同張頴康一場超激浴室親熱戲，佢直言當時男朋友睇到尖叫并心靈受創，成晚冇理我，只掛住打機平伏心情，佢唯有跪低認錯，應承做一個好女友。
馮盈盈曾經表示唔想拍錫嘴戲，驚男友嬲，唔知今次分手關唔關事呢？
Like MisshkNews Facebook！不出门也能知天下事～
