當年邱晴（Mandy）17歲就參加2017年參加香港小姐競選，成為當年最後生嘅報名佳麗。佢晉身10強之後亦如愿加入TVB，長期擔任《ThinkBig天地》嘅主持之外，亦累積咗唔少人氣，屬於排隊等上位嘅TVB小花之一。
不過自從今年5月頭，邱晴就再冇喺《Think Big天地》等節目出現，之後佢接受採訪嘅時候，先表示自己已經由「經理人合約」轉簽「一年一show藝人合約」。
邱晴解釋離巢原因：「唔係話喺TVB發展得唔好，但係我想喺網絡媒體可以多啲同粉絲互動，我又想多啲分享我日常生活嘅嘢，試嚇唔同發展，其實都唔可能成世只係做電視。」
問到邱晴係唔係不滿意現況同收入，佢就話：「唔係吖，以前喺Think Big做固定主持，再加埋劇集客串，收入都幾好，同埋我仲後生，學到嘅嘢係自己嘅，錢就唔太重要。」
記者問到喺TVB做嘢人工幾多呀？邱晴話：「啱啱入行嗰時一萬頭啦，呢兩三年都試過有幾個月有五萬蚊左右，見到糧單嘅時候好開心㗎，我仲買咗份奢侈品畀媽咪。」
記者問到宜家收入大減？邱晴話：「而家冇咗固定收入，好窮吖！不斷咁洗錢，要慳啲洗同埋諗點樣賺錢。講真我轉咗合約之後，公司都有嘢畀我做，所以我都冇介意幾多錢。」
「離巢」之後有乜嘢做？邱晴自言冇人脈，所以初時都有啲擔心。「咁啱樂宜（Lokyii）個經理人係我媽咪朋友，所以媽咪就將我托付咗畀佢。」
唔理點樣，都係希望邱晴喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
