前港姐呂慧儀同老公黃文迪喺今年三月份離婚之後，同5歲囝囝一齊生活，兩仔乸不愁寂寞，經常外出活動。日前呂慧儀唔聲唔聲，豪擲千萬買樓。
對于買樓呂慧儀接受傳媒訪問時話：「係自己住，投資同買樓嘅嘢都係媽咪話事，我只係負責努力做嘢，媽咪鐘意嗰度。我都想同屋企人一齊住得舒服啲，所以我以後要再畀心機做嘢搵錢！」
其實呂慧儀喺2006年參加香港小姐，獲得季軍好成績之後加入TVB。
呂慧儀擁有177傲人身高嘅慧儀，除咗係一個演員仲係一個模特，因為擁有43寸長腿，畀網友稱為“長腿蟹”、“索腿天後”。
出道初期，呂慧儀雖一直擔任一啲配角角色，但憑借喺TVB處境劇《愛回家開心速遞》中，飾演女主角「熊若水」，畀更多觀眾認識，演技獲網友大贊。
呂慧儀近年主力專注喺「熊若水」嘅角色，不過近日佢喺社交平台分享，佢之前接拍一套關於癌病嘅微電影《長命梯》，微電影一共分開四集在網上播出。
微電影中，呂慧儀飾演一位年輕媽媽，有自己的事業，有老公和囝囝及美好家庭，可惜病魔突然來襲，醫生確診她患上肺癌，令她大受打擊。
微電影中，呂慧儀面對癌症的絕望，但另一方面又不捨得囝囝同老公，心力交瘁而多次崩潰落淚，睇到觀眾們心都實晒，而慧儀以超素顏上陣演病發的模樣，絕對非常專業，獲得不少網友大讚。
唔理點樣，都係希望呂慧儀喺之後嘅事業上可以有所成就，期待佢嘅早日搵到屬於自己嘅幸福，加油！
Like MisshkNews Facebook！不出门也能知天下事～
