前港姐陷四角混戰，富貴男友再嗒嫩口小四？

前港姐陳庭欣嘅闊太夢似乎愈嚟愈遙遠，舊年佢認識咗億萬身家嘅彩豐行老板楊振源（Benny）之後，32歲嘅佢以為金龜在手，幸福無憂。

可惜男朋友無為一棵樹而放棄成個森林，二人世界變四角混戰，進擊嘅小三「翻版陳妍希」陳潔玲，踩場同佢挑機；男友同時又搭上嫩口模特兒湯包妹。小三、小四兩面夾攻，前路崎嶇。

日前楊振源旗下嘅彩豐行多間分店，同陳庭欣啟晴邨住所，都畀人貼街招，鬧爆楊振源係世紀賤男，暗示佢一腳踏兩船，孭住陳庭欣搭上一個叫阿Yu嘅女子。（前港姐有米男友偷食，畀貼街招直斥「狗男女」）

唔好以為陳庭欣一直懵閉閉，其實拍拖咁多年，佢抗敵無數，有傳阿Yu只係小四，小三就係2012年落選港姐陳潔玲。

據悉，楊振源有兩個單位，一個已經畀陳庭欣進駐，另一個用作同其他女子做行宮，玩得精明。早知道男友多女埋身，陳庭欣一直死忍，試過逼婚，但楊振源一邊拖字訣，一邊繼續拍拖其他女子。

最後，都係希望陳庭欣喺之後嘅事業上可以有所成就，同埋早日可以圓闊太夢！