前港姐簡淑兒，因為舊年年尾同經理人公司嘅合約問題畀TVB雪藏，令佢有份演出嘅《大帥哥》同《救妻同學會》，喺播出時冇得出席宣傳活動。
當時佢表示與經理人公司仍有半年合約，去向未定，不過呢排簡淑兒終于約滿，更加正式簽約TVB成為“親生女”。
其實簡淑兒過去喺劇集表現不俗，深得TVB重用，一劇接一劇，一直有意進入TVB旗下，今次時機啱啱好，正式升呢成為TVB親生女，有份演出嘅新劇《好日子》即將喺下個禮拜出街，夠膽講話係“仙氣女神”強勢回歸宣傳。
而簡淑兒曾經係女子組合“少女標本”出道，之後亦有單飛出歌，肥水不留別人田，相信好快會加入星夢，做吳若希同菊梓喬師妹。
簡淑兒較早時同肥媽去佛山拍攝旅游節目《＃識玩旅行團＃》。
期待耐簡淑兒繼續為觀眾帶嚟多啲精彩作品！ 
Like MisshkNews Facebook！不出门也能知天下事～
