前港姐朱慧敏，2歲起同公公婆婆相依為命，但佢16歲嗰陣婆婆患病離世。之後朱慧敏返媽咪身邊，入讀玫瑰崗學校，之後去到美國華盛頓大學讀書5年，主修新聞。
返香港之後，朱慧敏參加「2004年度香港小姐」獲得亞軍同旅游大使獎，又贏得2005年國際小姐嘅友誼小姐。
當時朱慧敏嘅媽咪、姨姨相繼患病離世，連朱慧敏自己都驗出基因突變，佢為此一度患嚴重抑鬱症。
跟住朱慧敏畀爆「車震事件」畀TVB雪藏幾個月，情緒、事業都陷入谷底，佢後尾接受傳媒訪問時話：「喺TVB最差嗰陣唔止三個月冇糧出，要靠媽咪遺產過日子。」
之後，朱慧敏靠飾演為咗目標不擇手段嘅角色重新上位，拍攝劇集《刑事情報科》、《古靈精探》等，由女配角極速上位做女主角。
不過好景不常，有傳朱慧敏得罪TVB高層，喺2016年決定離開離巢，外出發展。
除咗事業受挫，朱慧敏愛情都面對同樣結果，本來佢同EO2成員Eddie發展得唔錯，但2015年Eddie畀傳出軌令二人分手，Eddie自爆7年情玩完，婚事告吹。
而家朱慧敏離開TVB，忘記情傷，重新出發，朱慧敏更自爆宜家有好多追求者，笑言唔會降低對伴侶嘅要求，希望佢可以揾到一生最愛，加油！
Like MisshkNews Facebook！不出门也能知天下事～
