日前，藝人王君馨就喺社交平台上載咗一張凌空踢一字馬嘅相，呢張相一出，馬上引起唔少網民嘅熱議，諗番起當佢喺《城寨英雄》中嘅「花曼」。
而最近佢就出席咗意大利大學好友婚宴，更加化身印度Barbie look攜眷一同出席。
事後，王君馨仲喺社交平台上載咗幾張參加婚禮時嘅相，只見相中嘅王君馨以一身淡黃色長裙亮相，仲對好友又單膝跪又主動獻吻，好鬼馬，可以見到姊妹兩人感情深厚。
佢仲興奮發文留言寫道：「我靚靚嘅印度新娘！多謝你成為大學時期嘅好朋友，教我跳寶萊塢舞，食美味咖喱美食，將我扮成印度Barbie！我愛你Devika，真替你開心！祝福你同Sid幸福快樂！」
1986年出世嘅王君馨，自細喺美國紐約生活，后來喺美國麻省巴布森學院攻讀企業管理，隨后返香港到香港中文大學作為交換生，繼續主修企業管理。喺機緣巧合下，王君馨喺2007年嘅時候參加咗《香港小姐選美》，兼夾贏得咗亞軍同「最上鏡小姐」等獎。
備受賞識嘅佢同大多數藝人一樣，喺選美結束之後就進入到TVB，開始參與劇集嘅拍攝。期間，佢曾經拍攝過唔少嘅作品，比如《耀舞長安》、《法網狙擊》、《舌劍上的公堂》、《華麗轉身》、《公公出宮》、《城寨英雄》、《心理追兇》、《超時空男臣》、《是咁的，法官閣下》等。
而佢喺《城寨英雄》中飾演嘅「花曼」憑借其精湛嘅演技令佢大獲好評，人氣急升，兼夾仲喺《星和無線電視大獎2016》奪得「我最愛TVB電視女角色」同「我最愛TVB螢幕情侶」，同時，仲喺《萬千星輝頒獎典禮2016》勇奪「最受歡迎電視女角色」。
據悉，喺跟住落嚟嘅新劇《唐人街》中王君馨同樣有份演出，唔知到時佢又會畀我哋帶嚟點精彩噶演出呢？大家記得千祈唔好錯過！
Like MisshkNews Facebook！不出门也能知天下事～
