前港姐被追債抵押港姐后冠，宜家移居美國做老師

現年50歲嘅前港姐楊婉儀，佢喺2003年同前練馬師王登平之子王帥勛結婚之后，佢哋育有一對仔女王婷知同王思峻，后尾更淡出幕前，投身教育界開辦幼兒園。

不過楊婉儀同老公卻一度因為金錢糾紛問題，畀前生意拍檔告上法庭，多宗錢債問題畀入稟法院。

據悉楊婉儀夫婦需要出售位于跑馬地同赤柱嘅物業周轉，并指楊婉儀更需要抵押其港姐后冠同位于美國三藩市嘅物業。

面對一連串官非同住屋問題，楊婉儀喺舊年年尾疫情爆發之前，舉家移居美國三藩市。楊婉儀移居當地之后，更經常更新社交平臺，見佢重拾教鞭做老師。

喺楊婉儀嘅社交平臺可見，佢同15歲囡囡情如姊妹，經常見到佢哋一齊出街買日用品，又會幫楊婉儀一齊制作教材，認真乖女。

不過睇返楊婉儀嘅社交平臺，老公王帥勛上一次出現已經係2019年嘅事，喺美國嘅生活照中就睇唔到老公嘅蹤影，唔知道老公王帥勛冇跟隨佢哋一齊過美國生活，定係唔想出鏡。