前港姐陳曉華呢排忙住拍攝TVB新劇《異搜店》，呢次係陳曉華嘅第4套劇集，繼之前《迷網》擔演第二女主角之后，呢次喺《異搜店》首次孭重飛擔正做女主角。
不過仍屬「新丁」嘅陳曉華演技一直未合乎要求，有工作人員爆佢拍攝《迷網》嗰陣唔識得走位，出街嗰陣更被網民狠批表情生硬、講對白好似背書、黐脷筋等！
縱使畀彈到體無完膚，但陳曉華死撐話：「任何批評或者讚沒，對我嚟講都係推動力。」仲話我會留意自己嘅缺點，會盡快完善。
據悉，陳曉華拍攝《異搜店》嗰陣依然係「戲屎」而頻頻NG，唔少同劇演員私底指佢「阻收工」，好少同佢交流，唯獨「TVB小生」何廣沛對佢最有耐性，經常指導佢演戲技巧。
有工作人員爆料，指佢哋感情相當好，有次拍外景，陳曉華要去附近嘅公廁，何廣沛唔放心即時陪佢一齊去，但佢哋卻好耐未返拍攝現場。
亦有人指陳曉華對何廣沛相當「黐身」，經常主動出擊約出嚟食飯，因為較早前何廣沛嘅「緋聞女友」朱晨麗返大陸拍劇，好似當朱晨麗透明咁樣。
較早時陳曉華更將銀幕初吻獻給男方，喺拍接吻戲經驗豐富嘅何廣沛貼心指導下，佢將自己全交畀對方，拍完之后佢哋零尷尬，并即時行埋密密斟。
唔理點樣，梗係希望陳曉華可以繼續畀我哋帶嚟多啲更精彩噶演出，期待佢嘅表演！
Like MisshkNews Facebook！不出门也能知天下事～
