現年25歲TVB力捧港姐馮盈盈，經常喺人氣訪談節目《＃後生仔傾吓偈》中語出驚人而人氣急升，呢排佢又邀請到懶音特警羅山生上節目擔任嘉賓，期間羅山不停糾正馮盈盈嘅懶音發音。
令到馮盈盈每講一句話都覺得好大壓力，網民更加封佢為「懶音界KOL」！
馮盈盈笑指自己嘅懶音馳名中外，佢表示：「我嘅懶音系上過頭條嘅，好深入民心！」果然，佢不負眾望懶音百出，不停畀糾正！羅山先生更即場指出佢問題在于脷上，現場所有人笑佢有條「蠱惑嘅脷」。
好多網民都攪笑表示：馮盈盈遇住懶音特警羅山，呢集系佢主持《＃後生仔傾嚇偈》有史以嚟講，最辛苦嘅一集，但亦有網民好抵死笑指，羅山聽到馮盈盈超多懶音都好痛苦！
1994年出世嘅馮盈盈，系2016年香港小姐競選冠軍，憑選美順利簽約TVB嘅佢，喺2017年正式投身娛樂圈發展，出道兩年以嚟，馮盈盈備受無線嘅力捧同栽培，到而家佢已經為無線主持過多個節目同大型活動，形象深入民心。
作品包括《千奇百趣特工隊》、《學是學非》、《WDSF世界體育舞大獎賽》、《2017年度勁歌金曲頒獎典禮》、《食得好健康》以及《2018年度香港小姐競選》等，相信各位粉絲都有印象。
同時，馮盈盈又參演電視劇集，舊年，馮盈盈喺處女劇集《果欄中的江湖大嫂》中飾演小狼女一角，呢個系佢第一次有正式角色參演，也因為呢部劇人氣急升。
佢曾經喺受訪時透露，喺拍攝一場佢飲醉戲份嘅時候，為咗達到逼真效果，馮盈盈真系飲醉上陣，結果獲得導演激贊敬業！
同年，馮盈盈成功入圍《TVB萬千星輝頒獎典禮》，并以大熱姿態勇奪飛躍進步女藝員獎，令佢人氣同知名度繼續急升。
聽講，喺跟住未播映多部新劇，包括《白色強人》、《解決師》以及《極道怪咖》中，都均有佢擔任重要角色戲份，到時候各位粉絲記得留意！
Like MisshkNews Facebook！不出门也能知天下事～
