日前，啱啱結局嘅《多功能老婆》雖然收視一般，但係陣容鼎盛。唔單止邀請影後楊千嬅坐鎮，仲有幾位老演技派，比如苗可秀、黃錦燊等人。
講到黃錦燊，其實佢係前港姐趙雅芝老公，以73歲高齡客串《多功能老婆》，笑稱自己係新人。
其實黃錦燊早年已經接觸螢幕，得到許冠杰賞識，首部電影都係同許冠杰搭戲。嗰陣時嘅黃錦燊留住長頭發、長須，又略識功夫，佢哋請佢飾演一個唐人街大佬嘅角色。
黃錦燊喺1978年入行之後，佢喺電影經常飾演督察，但較為人熟悉反而係喺《開心鬼放暑假》中飾演山東同鄉會女校老師，係黃百鳴嘅情敵。
同時，黃錦燊都有喺電視圈發展，喺佳藝電視、TVB、香港電臺出演，最副代表性仲係喺《真情》中飾演上等人貓屎，同薛家燕飾演嘅好姨係經典螢幕情侶。
不過，黃錦燊轉行做大狀已經有二十年，前段時間佢暫時除牌放棄大狀嘅工作，為TVB新劇《多功能老婆》復出做新人，一解戲癮。
黃錦燊更笑稱自己係新人，向監制請教，皆因自己從1999年轉行做大狀，已經有二十年冇拍戲，但監制陳寶華年頭喺北京搵佢拍劇，黃錦燊就畀劇本吸引，所以自動向大律師公會除牌。
直到1981年，黃錦燊因為拍攝《女黑俠木蘭花》，期間趙雅芝正在同前夫打官司爭取兒子撫養權而相識，最後兩個人4年後喺美國結婚。
雖然後父唔易做，但係黃錦燊同趙雅芝自從結婚之後就零是非、零緋聞，每次出席活動都十指緊扣。
Like MisshkNews Facebook！不出门也能知天下事～
