前港姐約齊一班好姊妹游船河，慶祝選港姐十週年紀念

轉下眼又十年，2011年港姐冠軍朱晨麗以師姐身份擔任今年港姐導師，呢日佢更搵嚟當年一班同屆佳麗，包括亞軍朱希雯、季軍許芷熒（前名許亦妮）以及其他佳麗一齊游船河，齊齊慶祝選港姐十週年紀念。

朱晨麗喺社交平台曬出一眾佳麗相聚照片，見到佢哋喺船上擺甫士影靚相，仲重現當年影海報同冠亞季佳麗攞獎時嘅畫面。

事後記者致電朱晨麗，問到點解得7位佳麗出席。朱晨麗話：「原本約好8月7日重聚，可惜有啲部分佳麗喺外地返唔到香港，當中包括麥美恩、劉思希等人。」

睇嚟十年過去，佢哋嘅港姐姊妹情依然不減。