前港姐約滿在即冇人傾續約，我真係唔想離開TVB

前港姐郭少蕓喺熱播劇《丫鬟大聯盟》飾演大少奶裘夫人同鄭子誠火花十足，表現亮眼。但呢排就傳出郭少蕓約滿在即，但TVB仲未搵佢傾續約。令佢隨時會繼劉江、田蕊妮之後離巢嘅藝人。

郭少蕓喺1992年參選香港小姐競選之後加入TVB，演出過唔少為人熟悉嘅角色。

當中郭少蕓喺劇集《律政強人》飾演男主角方中信嘅忠心秘書李少樺（Pat姐）一角，演技備受好評，亦有唔少網友對其仲未獲TVB力捧頗有微言。

而郭少蕓亦分別就喺2001年、2018年先後與TVB結束合約，但之後都重返TVB，目前郭少蕓有份演出嘅《丫鬟大聯盟》、《大醬園》陸續出街，但佢就指出所有存貨播完，通常代表TVB唔想再同演員續約嘅手法之一。

而郭少蕓接受訪問時就話：今年8月份左右就會完約。（續約興趣大唔大？）梗係絕對唔想離開TVB啦，因為TVB始終係我嘅條根，我對做戲嗰種熱情仲喺度，而且我心愿未了。

（乜心愿？）我覺得自己欠自己一個獎。早排我撞到小紅姐（惠英红）都同佢講一定可以，好替佢開心，我都會視佢為一種鼓勵。