「33C女神」彭慧中（Phoebe）為《流行都市》做主持，因為經常短裙上陣大露長腿，深得一班宅男喜愛，呢排傳出佢同TVB簽約正式成為「TVB親生女」。
事後記者聯繫彭慧中，佢話：「的確簽咗約，都有望公司畀多啲機會，做乜都唔緊要，亦希望繼續做《流行都市》主持，其他工作就交畀公司安排。」
講到彭慧中，其實佢喺2010年參選港姐嗰陣，憑住魔鬼身材獲封咪神，原本係三甲大熱，可惜因為出現負面新聞而影響形象，最終止步八強。
雖然彭慧中落選港姐，但得到高層樂易玲賞識，獲得TVB簽約8年，佢亦決定休學進入娛樂圈發展，而一起步，佢已經被安排做單位劇《你們我們他們》嘅女主角。
之後彭慧中又參與拍攝旅游特輯、做主持，備受力捧。可惜佢屢次畀爆出同富二代夜蒲、參加狂野船P、食煙等負面新聞，令佢嘅上位之路變得艱難。
因此，彭慧中除咗首年備受TVB重用之外，之後一直畀投閑置散，直到2015年，佢重新畀委派擔任《都市閑情》（《流行都市》前名）嘅主持，佢成日著短裙大曬長腿，亦收獲一班捧場觀眾。
不過彭慧中因為要維持端莊形象，所以大部分時間著得相當密實，偶爾露一露身材，反而仲可以引起話題。
唔理點樣，都係希望彭慧中喺之後嘅事業上可以有所成就，期待佢有望跳出主持殺入劇組，期待佢嘅表演！
Like MisshkNews Facebook！不出门也能知天下事～
