前港姐林泳淘與TVB本來仲有一年合約，但係于喺上月尾畀TVB提前解約，結束7年嘅賓主關係。其實林泳淘早喺今年3月，曾經喺個人社交平臺發布言論，隨后就畀雪藏兩個月先復工主持《東張西望》。
林泳淘接受媒體採訪表示，本來已編排咗工作，但係喺上個禮拜卻突然畀通知最后一日last day，佢表示唔知畀提前解約嘅原因。
林泳淘仲表示，因為唔使供樓，所以喺經濟上未有太大壓力，并有意轉做KOL網紅、活動司儀等。
林泳淘話：“成件事好突然，最唔開心冇得同一班臺前幕后嘅朋友認真噉講ByeBye，我一加入TVB就做《東張西望》主持，一做就係7年，大家好似屋企人一樣，最唔舍得就係佢哋，不過我而家已經平復心情，接電話被告知提前解約嗰陣梗係好唔開心嘅，但係有朋友、屋企人嘅安慰平伏咗好多，都冇唔開心，我尊重公司決定，緣份去到呢度就停咗。”
林泳淘之后表示將會拍劇，劇集會喺ViuTV播，至於會唔會覺得變相同TVB打對臺？佢話：“而家有好多唔同嘅電視臺，唔講得邊個打邊個，周圍都係機會，唔想係做主持。”
講到林泳淘，其實佢原名叫林冬冬，喺2012年參加香港小姐競選入行，因為做《東張西望》、《3號2夜》嘅主持而為人認識，因為身材出眾兼敢言畀唔少網民封為東張女神。
唔理點樣，梗係希望林泳淘可以繼續畀我哋帶嚟多啲更精彩噶演出，期待佢嘅表演！
Like MisshkNews Facebook！不出门也能知天下事～
