2001年香港小姐冠軍楊思琦最近擔任節目《香港親善小姐》嘅主持人，佢去到韓國首爾展開吃喝玩樂之旅，體驗韓式生活文化，最神奇嘅係秘密已做人妻嘅楊思琦，拍攝時成功隱藏五個月孕肚。
楊思琦仲可以喺節目中食辣、飲凍嘢、同oppa拍拖、學女團跳勁舞，百無禁忌又唔畀發現，百分百投入做「親善靚媽」。
楊思琦話今次經驗好難忘：「我係去到先知要跳，唯有就住跳，好在後來順利完成，因為唔想影響進度，覺得自己好大膽，媽咪事後知道都擔心。」
楊思琦喺舊年終于覓得如意郎君，秘密同圈外男友注冊結婚，兩個人嘅愛情結晶大約喺今年2到3月出世，暫時冇透露胎兒嘅性別，楊思琦已經有寶貝女楊卓穎，呢次佗B梗係想湊成“好”字。
楊思琦表示懷第二胎嘅緊張程度比第一胎松懈，甚至唔記得高齡大肚婆戒口嘅禁忌，「冇點戒口，仲頻繁飲凍嘢。之前生女係順產，希望呢胎都一樣。」
Like MisshkNews Facebook！不出门也能知天下事～
