前港姐秘嫁心臟科名醫，曾遭賤男拋棄情路坎坷

2004年港姐亞軍朱慧敏最為人熟悉嘅一段戀情，肯定係佢同EO2成員彭懷安（Eddie）拍拖，但可惜喺臨結婚前發現男方出軌，無奈結婚變分手，一切已成過去。

經歷多年，現年嘅39歲朱慧敏今日終于有喜訊，喺擬結婚通知書上男方叫陳良貴，現年42歲，喺養和醫院做心臟科專科醫生，佢哋報稱地址喺半山司徒拔道。

陳良貴係養和醫院心臟科名譽顧問醫生，佢喺2018年時曾經為林盛斌（阿Bob）做「通波仔」手術，事后阿Bob更形容陳醫生係鉆石王老五，公開為佢揾女朋友。

呢件事之后，朱慧敏同老公陳良貴係通過共同相識嘅朋友介紹，佢哋拍拖初期經常有戶外同行山活動，更曾經一齊去西藏玩。

講到朱慧敏，其實佢喺2004年參加香港小姐競選勇奪亞軍同旅游大使兩個大獎，之后又喺2005年贏得國際小姐嘅友誼小姐。

但由於當時朱慧敏嘅媽咪、姨姨相繼患病離世，連朱慧敏自己都驗出基因突變，佢為此一度患嚴重抑鬱症。

跟住朱慧敏畀爆「車震事件」畀TVB雪藏幾個月，情緒、事業都陷入谷底，佢後尾接受傳媒訪問時話：「喺TVB最差嗰陣唔止三個月冇糧出，要靠媽咪遺產過日子。」

之後，朱慧敏靠飾演為咗目標不擇手段嘅角色重新上位，拍攝劇集《刑事情報科》、《古靈精探》等，由女配角極速上位做女主角。

不過好景不常，有傳朱慧敏得罪TVB高層，喺2016年決定離開離巢，外出發展。

除咗事業受挫，朱慧敏愛情都面對同樣結果，本來佢同EO2成員Eddie發展得唔錯，但2015年Eddie畀傳出軌令二人分手，Eddie自爆7年情玩完，婚事告吹。

而家朱慧敏已經揾到一生最愛，見到佢同醫生老公咁幸福，真係替佢哋開心，祝福你哋永遠幸福快樂喔。