前港姐確診新冠肺炎，一度……

1987年香港小姐張鳳妮，佢遠嫁到馬來西亞有24年，佢更同老公生落3個女，生活幸福美滿。呢日佢接受《夢飛行垃垃雜雜》訪問，自爆曾經確診新冠肺炎！

片中見到張鳳妮精神唔錯，佢傾到感染原因，佢話：「應該係年卅晚派對入面，我哋總共有八個人，有三個感染，我算係康復到不錯。」

張鳳妮第一次測試，結果冇確診，但佢比較敏感，所以喺屋企自我隔離，佢話：「因為同場有人都中咗，我擔心所以再做一次測試，結果確診，好彩我一直困自己喺房度，如果唔係，我個女、工人同司機都會中埋。」

確診新冠肺炎之后，張鳳妮一度失去嗅覺，住院期間一直需要吸氧，好彩唔洗吃藥就退燒，4日後就可出院，而且宜家我已經有抗體，一出院就可以同屋企人食飯。