TVB呢幾年出現人才荒，就算係零經驗都可以做女主角。前港姐陳曉華係呢排TVB力捧小花之一，未卸任已經被安排拍《迷網》擔正做女二，戏中佢仲同女主角高海寧争仔。
毫無演出經驗嘅陳曉華，第一場戲已經暴露真相，惹來大批負評，畀網民狠批演技差、無表情，加埋拍攝嗰陣成日行錯位同頻密NG幾宗罪。
陳曉華好有可能成為呢部劇收視嘅罪魁禍首，有劇組同事爆料：「佢喺拍劇時完全唔明走位、無限NG，成咗演員之大忌，兩面受敵，拖慢咗成個拍攝進度，所有人都跟住佢加班。」
受盡TVB力捧，劇接劇嘅陳曉華，除咗《迷網》之外，佢手上仲有多部劇集，比如《七公主》、《異搜記》，差唔多每一套都係重頭劇。
據了解，陳曉華當選香港小姐冠軍冇幾耐之後，TVB已經簽佢做「TVB親生女」，而且陳曉華條件好，形象正面，好多監制都爭住用。
可能冇演出嘅經驗，備受壓力，日前陳曉華喺社交平臺提及第一次見到自己出街嘅電視，好似等緊中學放榜成績，緊張到失眠。
今年先25歲嘅陳曉華，正處于自己事業發展嘅黃金時期，相信佢嘅事業發展得越嚟越好，期待佢嘅表演！
Like MisshkNews Facebook！不出门也能知天下事～
