武漢肺炎疫情持續，口罩畀市民爭相搶購，宜家真係一罩難求。前港姐陳庭欣嘅男友楊振源係彩豐行老板，楊振源希望幫助市民，所以佢為咗喺年初二賣口罩加班，而陳庭欣就喺社交平臺曬出男友喺貨倉嘅相打氣。
不過日前大批市民去到彩豐行各分店排隊，最後未能成功搶購，空手而回，怨聲載道。
有人投訴口罩懷疑坐地起價，陳庭欣慘成「箭靶」，唔少網友涌到社交平臺留言狂鬧。
日前，彩豐行喺社交平臺留言：「基于大量需求，眾多嘅盒裝口罩同包裝口罩已經全部火速售罄，十分抱歉，我哋會安排盡快補貨，多謝各位支持，而消毒同防護產品仲會繼續供應畀香港市民。今次處理安排有唔適當嘅地方，希望各位見諒，祝各位身體健康～＃彩豐行＃齊心抗疫”！」
事后，陳庭欣主持TVB《東張西望》，就單嘢佢喺節目中親自道歉，并兩度低頭鞠躬。
陳庭欣話：「就今日單嘢，我想親口同大家講聲對唔住，因為人數實在估唔到咁多人，加埋而家防疫消毒產品數量有限，呢排假期人手短缺，令大家帶嚟不便，再同大家講聲對唔住。佢哋今日好努力同各部門、供應商溝通，希望盡快有現貨帶到唔同分店畀大家購買。」
Like MisshkNews Facebook！不出门也能知天下事～
