前港姐單文柔喺今年4月份嗰陣就宣布誕下「小豬比」Quinta，不過由于BB仲細，單文柔就暫時停工照顧小朋友，但系較早時就獲得老公陳展鵬嘅首肯，更表示力撐其復出做野。
不過冇諗到單文柔咁快就「復出」，日前佢就為兒童節目擔任嘉賓，兼夾都借啲意與主持人之一嘅好友馬俊杰敘舊，而好友都喺社交平台上曬出咗幾張相，見到單文柔升呢為人母之後容光煥發，紅粉緋緋噉樣。 
而單文柔似乎都準備好要全面回歸幕前嘅工作，見到佢狀態大勇，而作為好拍乸嘅馬俊杰都大贊話：「今日有個賢良淑德嘅靚媽咪嚟做Big Big Kids嘉賓，又好耐冇見，生完仲系咁Fit咁靚，仲賢淑咗」。 
1990年出世嘅單文柔，喺香港專業教育學院葵涌分校就讀設計，後來就去英國升讀倫敦藝術大學倫敦時尚學院，修讀布料設計學士課程，入行前曾經任職布料設計員嘅佢。
喺2016年嘅時候，就參加咗TVB嘅《香港小姐競選》，最後可惜落選。
不過備受賞識嘅佢，喺選美結束之後就進入到TVB，兼夾入讀為期三個月嘅演藝進修班，開始發展其演藝事業，由于其形象單純善良，單文柔多數都系擔任兒童節目嘅主持。
單文柔除咗收獲一眾藝人朋友同演出經驗之外，最大嘅收獲就系識咗老公陳展鵬，仲記記得兩個人喺一開始秘密拍拖之外，到後尾慢慢默認戀情，兼夾兩人感情火速升溫，喺舊年嘅9月份就宣佈婚訊，繼而舉行婚禮兼夾分享成功佗B好消息，真係雙喜臨門。
而喺今年嘅時候，單文柔更加升呢做人母，希望佢可以早日恢復狀態，都期待佢可以繼續畀我哋帶嚟多啲更精彩嘅作品，祝福祝福！
Like MisshkNews Facebook！不出门也能知天下事～
