《2019無線節目巡禮》今晚就喺電視城舉行，不過呢排忙于拍攝《殺手》外景嘅高海寧則未能抽身出席節目巡禮，佢接受訪問時就表示話：”梗系好開心啦！好多劇集拍咗仲未出得街，自己都好期待，可以睇下大家對我嘅評語，自己會畀心機做好每一個角色。”
作為明年將會系出演TVB劇集最多女藝人嘅高海寧，身上占有三套重頭劇，分別就系《C9特工》、《金宵大廈》與及《殺手》。備受公司力捧嘅佢都表示會有一定嘅壓力，佢話：“壓力一定會有，但也成為自己嘅動力，而且每部劇都有唔同嘅挑戰，辛苦之余自己覺得開心、值得嘅！” 
其實，跟住落嚟嘅呢幾部戲中，高海寧都有唔同嘅演出嘗試，佢喺《C9特工》中將會有大量嘅動作戲，較早前為咗拍攝該劇，更曾受傷入院；而喺《金宵大廈》中，高海寧則飾演一個有一個八歲仔嘅媽咪，喺劇中高海寧情緒起伏好大，更有唔少喊戲，期待佢精彩演出！ 
咁講到高海寧，1987年生嘅佢喺21歲嗰陣曾經參加過香港小姐嘅競選，雖然未能獲得名次，但系都贏得咗旅游大使獎。喺選美結束后，高海寧便進入咗TVB成為旗下藝人，開始發展其演藝路。 
期間，高海寧都參與拍攝咗唔少嘅劇集，譬如《蒲松龄》、《法证先锋3》、《法网狙击》、《法外风云》、《my盛lady》、《使徒行者》、《天眼》、《爱情食物链》、《不懂撒娇的女人》、《赌城群英会》、《BB来了》等。 
入行十年嘅時間，高海寧憑借自己嘅努力撕掉咗“花樽”嘅標簽，走上咗以實力征服觀眾嘅道路，期待高海寧喺跟住落來新劇中嘅精彩演出！
Like MisshkNews Facebook！不出门也能知天下事～
