蕭正楠與黃翠如舊年喺新西蘭秘密注冊結婚，一周年喺峇里補辦婚禮，延續新婚甜蜜生活，呢排更畀爆出黃翠如為咗生仔放棄做「TVB一姐」。
黃翠如結婚之後肚皮最受外界關心，不過為咗頂檔李佳芯拍劇集《致賀所有愛過的人》，今年上半年要過非人生活，日前拍完劇終于休息一下。 
不過37歲嘅黃翠如體質好一般，加埋又系高齡產婦，要趕喺今年生豬BB已經趕唔切。
蕭正楠已鎖定目標迎接鼠BB，集中火力同精力，最近就放大假日對夜對，日前更四出派喜餅賀新婚，順便去診所搵相熟醫生再做身體檢查。
舊年搬入大埔康樂園愛巢之後，蕭生蕭太嘅夫妻生活更如魚得水，天時地利人和都有，相信好消息都會好快傳出。
其實，蕭正楠與黃翠如舊年注冊結婚之後，本來計劃今年進行造B計劃，不過因為黃翠如突然間臨危受命要頂替檔李佳芯接拍劇集，驚中途造人成功令劇集進度受阻，所以要延遲生B大計。
但系今年下半年黃翠如已經推曬所有劇集，再冇劇集在手，終于可以恢復造人計劃。
為咗生B，兩公婆都犧牲咗好多，本來TVB正處于卻人之際，兩位又系力捧對象，呢次造人，睇怕要一段時間停止拍劇。 
較早前兩公婆飛去馬來西亞，探黃翠如好姊妹吳天瑜小朋友，身為契爺嘅蕭正楠攬住個B流口水，契媽黃翠如都母性大發。 
唔理點樣，最後都係希望蕭正楠、黃翠如可以早日傳出好消息啦，祝福祝福！
Like MisshkNews Facebook！不出门也能知天下事～
