前港姐朱千雪深夜投震撼彈，盡展逆天美貌

前港姐朱千雪喺2019年結婚成為人妻之后，開始逐漸淡出幕前，仲喺香港城市大學修讀完法律博士學位，較早時正式升呢做執業大律師，雖然已經轉戰做大律師，但人氣依然高企。

呢日，朱千雪曬出一張黑白婚紗相，張相只能夠見到佢側面，佢仲留言話：「咁多年嚟，大家想問我點解要追求兩個職業，因為我哋可以有唔止一個夢想，但我哋得一個人生。」

由於太多粉絲要求朱千雪曬正面，相隔唔夠一個鐘，佢就喺IG限時動態曬咗一張靚靚婚紗相，見到朱千雪著住性感婚紗，目無表情咁望住鏡頭，令唔少網友睇到紛紛表示神魂顛倒。

講到朱千雪，其實當年佢參選2012年香港小姐奪得季軍入行，雖然當年因為網上投票系統發生問題，而失落冠軍寶座，但卻贏得民心，獲封為民選港姐冠軍。

朱千雪加TVB后備受力捧，首次參演電視劇《On Call 36小時II》即擔任重要角色向芊兒，飾演醫生嘅朱千雪無論係樣貌定演技，都獲網民激贊，更指《OnCall 36小時II》係朱千雪BB顏值巔峰之作。

當年25歲嘅朱千雪同49歲吳啟華喺劇中飾演情侶，雖然兩個人年齡差距大，但就出奇噉毫無違和感，觀眾激贊佢哋嘅演技自然，令人睇得舒服。

2016年朱千雪喺劇集《EU超時任務》首次擔正做女主角大獲好評，畀網友視為視后大熱，雖然最終失落寶座，但同拍檔王浩信憑此劇奪得「最受歡迎劇集搭檔」。

翌年朱千雪再憑借《踩過界》勇奪《星和無線電視大獎2017》「我最喜愛TVB電視女角色」。

朱千雪事業發展順利，但朱千雪醉心追求知識，寧愿減少幕前演出都要繼續學業，佢喺2015年向TVB請假一年，去修讀香港中文大學企業傳播管理碩士課程。

2016年畢業之后，朱千雪再修讀香港城市大學法律博士課程，一邊讀書，一路做嘢，獲封為學霸港姐。

宜家朱千雪過住幸福人妻生活，相信唔少網友都好期待可以再次睇到千雪BB嘅幕前演出。