前港姐曾經因為一事想自殺，退隱再捲債務風波

1995年香港小姐冠軍楊婉儀（Winnie），呢排喺社交平臺頻頻用英文更新近況，只見佢留言想跳出舒適圈，發掘新機遇，生活似乎過得唔錯。

自從楊婉儀被指欠千萬債務，楊婉儀就盡顯好老婆嘅一面，無怨無悔噉支持老公，究竟佢係點樣撐過嚟呢？

楊婉儀2歲嗰陣移民美國三藩市，21歲起開展選美之路，得到1991年全美華埠小姐亞軍，1995年參加香港小姐競選奪得冠軍同標準體態獎，後來再代表香港參選國際華裔小姐競選得到友誼小姐。

1996年，楊婉儀加入TVB，最初擔任節目司儀同主持，包括《體育世界》、《歡樂滿東華》，好快就獲TVB力捧，代表作包括《真情》、《戇夫成龍》、《刑事偵緝檔案III》、《茶是故鄉濃濃》、《封神榜》等。

直2003年，楊婉儀就與前練馬師王登平之子王瑞勛結婚，誕下一對仔女，5年後淡出幕前，2012年正式離巢。當時楊婉儀由村屋搬咗去豪宅，點知道佢原來一直受盡壓力。

據悉，楊婉儀生完BB即陷入情緒最低谷，事關要照顧2個小朋友已經令佢唔夠瞓，又畀外界批評生完走樣。

另外曾經有傳媒報道指，楊婉儀老公早年曾經炒股，遇上金融風暴，不過佢仲有創業心，同楊婉儀出版過自由行雜志、搞過BB衫、開過公關公司，但都唔成功。

後尾楊婉儀與老公等人合資過千萬開辦幼稚園，標榜優先安排雙非兒童就讀，可惜不斷被官非問題煩擾，最後幼稚園執笠收尾。

楊婉儀即使面對財政問題，佢都冇大難臨頭各自飛，反而無悔與老公共患難，佢唔止唔介意由豪宅搬到幾百呎細單位、轉搭地鐵出入、食茶餐廳，更表示自己負責做阿四，就算公事上有意見分歧，決策權最終喺老公手上。

據悉，楊婉儀而家仲係有做教育工作，自行設計兒童英文課程，努力去學校搵機會，而且喺網上賣美容同健康產品，做直銷幫補生計，成日笑臉迎人。