2007年港姐冠軍張嘉兒，較早前誕下個細女Hannah，已育有一女嘅佢表示第二次做媽咪容易好多，佢喺社交平臺曬出餵人奶嘅相，留言表示「BB瞓又瞓得愈嚟愈好，食又食得愈來愈多，好順利好開心呀。”
唔少網民都擔心佢會走光，不過張嘉兒就話：“唔使擔心我，我檢查過好多次”！
佢仲透露大女同細女相處好融洽，自己慢慢噉已經掌握咗兩個女嘅時間表，仲可以宣傳佢有份演出嘅新劇：“今晚呢個時候佢哋已經瞓著，我就睇《婚姻合伙人》。
大家可以留意下，有我份。拍嘅時候，我記得啱啱生完大女四個月，成日要喺公司泵奶，估唔到而家播出嘅時候，我就喺屋企餵完奶。”
Like MisshkNews Facebook！不出门也能知天下事～
