前港姐梁小冰同老公陳嘉輝結婚二十周年，梁小冰喺社交平臺曬出二十年前嘅結婚相，留言話：「雖然已經係老夫老妻，但依然係恩愛如昔。」
陳嘉輝同梁小冰喺1992年因為劇集《兄兄我我》結緣而相戀，兩個人喺2000年結束八年愛情長跑，正式步入禮堂。
當年陳嘉輝同梁小冰嘅婚紗禮服走華麗日系宮廷風，陳嘉輝青靚白凈加埋微卷長發，似足日本漫畫中嘅花美男，而梁小冰就著上公主袖大拖尾婚紗，配上皇冠同珍珠頸鏈，非常華麗。
但最靚嘅畫面係陳嘉輝同梁小冰喺結婚儀式中嘅情深眼神，一臉幸福嘅神情，充滿濃濃嘅愛意，兩個人似足童話中嘅王子同公主，直至今日仲未變。
結婚之后，梁小冰誕下仔仔陳洋溢（Lewis），今年已經12歲，陳嘉輝為咗有多啲時間照顧屋企人，放棄工程師鐵飯碗追夢，佢以50歲高齡回歸《愛回家之開心速遞》，飾演朱展角色。
啱啱已經大結局嘅《大醬園》，陳嘉輝都有份參演。出街嗰陣梁小冰都有發文宣傳！
梁小冰與陳嘉輝係圈中模范夫婦，但喺2012年，卻驚爆梁小冰「背夫翹仔」，緋聞對象就係前有線主播王志海（Brian）！
梁小冰當時就解釋同Brian只係戲劇同學，又指因為自己形象太賢淑，以致一做出翹手等行為就惹來誤會，仲講老公陳嘉輝好撐自己！
唔理點樣，宜家見到梁小冰同陳嘉輝強咁幸福，真係替佢哋開心，祝福你哋永遠幸福快樂喔。
Like MisshkNews Facebook！不出门也能知天下事～
