前港姐新劇演技大獲好評，直言羨慕師姐：佢好幸福

前港姐王卓淇喺《十二傳說》演技大爆發，一段含淚獨白更加係觸動唔少觀眾嘅心，喺播出後馬上大獲好評，更加大贊佢演技進步神速，備受肯定。

王卓淇對于大家嘅肯定，表示好感恩。佢話：”今次係第一次成個故事圍繞住我，而且有喜怒哀樂，有憤怒、有報仇、有感情，戲份好重，所以好有發揮嘅機會。”

諗返當初拍攝呢幕嘅細節，王卓淇笑言自己拍完之後無法抽離角色，導演話cut咗好耐但我仲喺到喊。

1991年出世嘅王卓淇，同大多數藝人一樣都係通過選美入行，參選2014年香港小姐嘅佢，勇奪香港小姐亞軍，之後順利進入到TVB，開始發展其演藝事業。

不過入行咁多年，王卓淇一直苦于冇機會上位，所飾演嘅角色多數都係一啲配角類型，好難畀觀眾留下深刻嘅印象。

即管機會少之又少，而年年都有新藝人入行，但係王卓淇冇放棄，佢話：“師姐機會真係多，我上一屆係陳凱琳，佢而家好幸福，而且好多劇都有佢，所以我都幾羨慕佢。

但我又覺得每個人嘅過程都唔同，同屆冠軍邵珮詩，佢做主持比較多，而我就拍戲比較多，所以大家喺自己各自嘅領域都能夠發光發亮！”

據悉，喺跟住落嚟嘅新劇《街坊財爺》、《致所有愛過的人》中王卓淇同樣有份演出，大家不妨一齊拭目以待！