呢排網上流行「倒立着衫挑戰」，一班鐘意健身嘅藝人包括簡淑兒、陳婉衡同鄧穎芝等人相繼挑戰，呢日簡淑兒更「加碼」挑戰「倒立除褲」，將難度再升級！
簡淑兒喺社交網大曬挑戰片段，見到佢以白色運動套裝襯黑長褲上陣嘅佢，倒立后分別就用左右腳輪流將長褲除落，真係少一啲功力都做唔到！
而簡淑兒最后用咗半分鐘先完成，唔怪得落地嘅時候簡淑兒都忍唔住大嘆一啖氣，不過佢似乎冇玩夠，仲留言話：「唔知會唔會有一日我可以練到唔洗挨埋墻就可以做呢？」
講到簡淑兒，其實佢8歲嗰陣跟住屋企人移民到美國生活，直到2012年先從美國回流返香港，並參加2012年香港小姐競選而入行。
直到簡淑兒喺TVB處境劇《愛·回家之八點入席》入面飾演“袁冰冰（Elsa）”一角，因為笑容甜美而備受關注。
而簡淑兒亦曾經多次被指整容，但佢本人堅稱只係受發型同化妝影響，并喺記者訪問嗰陣，即場捏鼻力證非人造以澄清傳聞，仲話佢自己應承咗父母唔整容。
呢排，簡淑兒首次參與古裝劇《一笑渡凡間》嘅拍攝，一身古裝打扮仙氣滿滿，甚至比起女主角湯洛雯更出眾，大家千祈唔好錯過。
Like MisshkNews Facebook！不出门也能知天下事～
