前港姐湯洛雯（靚湯）、張振朗同蔡思貝喺《機場特警》中有三角戀，劇情講到張振朗暗戀湯洛雯，更扮才子情圣以朗誦嚟追湯洛雯，不過最終都係失敗收科。
攝影呢場回憶戲份嘅時候，湯洛雯、張振朗都以校服造型上陣，同場仲有劉溫馨，湯洛雯仲扎咗孖辮，而張振朗著起校服，湯洛雯之前扮完空姐，今次以清純校服Look上陣玩盡「制服誘惑」！
湯洛雯仲話：「其實呢場戲都令我幾辛苦，佢哋要我有陽光效果，以前我讀圣保祿，校服都幾似我以前嗰件，要及膝、高腰，最衰我以前係女校，冇呢種有人示愛、收情書嘅事情發生，實在太可惜。」
（記者問以前有冇男校學生喺學校前等佢嘅時候）湯洛雯話：「試過有一次，嗰次仲畀訓導主任鬧，其實都唔關我事，都唔知點解鬧我，所以我都係大學先識男仔，細個嗰陣比較內向，唔識得同男仔相處。」
呢排湯洛雯劇接劇，日前佢繼續曬出新劇《一笑渡凡間》造型相，湯洛雯喺新劇中飾演女捕快，呢個造型又幾型格！
Like MisshkNews Facebook！不出门也能知天下事～
