32歲嘅前港姐李美慧，2018年宣佈嫁55歲富豪曾文豪，同年畀傳媒爆出大肚喜訊，喺2018年10月23日李美慧為老公誕B女「小糖心」，正式升呢做人母。
眨下眼，李美慧、曾文豪已經結婚3周年，呢日佢哋出街吃好嘢慶祝，仲特登揀咗室外無敵海景位置而坐，相當浪漫。
老公亦都相當細心，一早安排好蛋糕，真係甜蜜到爆炸。
據悉，1987年出世嘅李美慧原名叫做李斯庭，佢係家中獨生女，早年畢業于北京舞蹈學院民族舞大學，之後就參加《中華小姐環球大賽》，雖然最後落選，但佢仍獲得最佳才藝小姐殊榮。
三年後，李美慧再戰《香港小姐競選》，呢次同樣落選嘅佢卻獲得咗無線高層賞識，安排佢入讀第21期無線藝員訓練班，畢業之後李美慧正式出道，投身香港演藝圈發展。
出道初期，李美慧主力拍劇，不過基本都係茄喱啡，偶然都會去做節目主持或者助手等工作，眼睇星途平平，李美慧喺2012年約滿離巢發展，并馬上加入香港電視網絡旗下，不過同樣三年合約期滿之後，佢又離開香港電視，重返無線。
回巢之後，李美慧接拍嘅首部電視劇係《愛回家之開心速遞》，令李美慧人氣急升。近年李美慧陸續參演《不懂撒嬌的女人》、《宮心計2深宮計》、《鐵探》等，雖然戲份唔多，但角色發揮性強，成功令觀眾留低深刻印象。
而家，雖然李美慧已經成為百億闊太，但卻依然堅持自己心中嘅演員夢，跟住落嚟嘅多部劇集中都有份參演，各位粉絲千祈唔好錯過！
Like MisshkNews Facebook！不出门也能知天下事～
