前港姐慶祝生日開派對，對外宣佈佗女五個月

前港姐許芷熒31歲生日，呢日老公同屋企人為佢搞咗一個慶生派對，同時公佈佗B女，見佢喺社交平臺曬咗幾張相，許芷熒著上露肩裙兼戴上皇冠上陣，打扮得好高貴！

許芷熒托住巨肚，一臉母愛泛濫噉樣，同一眾親友齊齊合照，場面溫馨。

其中一張，見到好友蔡思貝都有出席呢一個派對，真係好開心呀！

派對高潮當然係準爸爸媽媽宣佈BB性啦，倒數321整爆汽球，飄出大量粉紅色碎紙，宣佈寶寶係女仔！

唔理點樣，宜家見到許芷熒兩公婆咁幸福，真係替佢哋開心，祝福你哋永遠幸福快樂喔。