前港姐愛上花心男，甘愿做人肉速遞送上門

《降魔的2.0》出街已經有一段時間，呢部劇基本以原班人馬出演，包括男主角馬國明、胡鴻鈞、劉佩玥、黃智雯等人，而胡鴻鈞呢次分飾兩角畀贊演技有進步。

而前港姐劉佩玥喺劇中飾演精靈啤啤，佢對戲中馬季情深一片，為咗馬季唔肯重新投胎，只係想留喺佢身邊保護同睇住佢。

戲外，其實劉佩玥都係一個專一、深情嘅女仔，今年啱啱30歲嘅佢，佢喺2013年參選香港小姐入行，選美結束之後成為咗TVB力捧對象之一，星途一片光明。

自從劉佩玥入行以嚟，佢嘅緋聞亦同樣精彩，經常畀影到身邊出現唔少觀音兵，令佢有「TVB娘娘」封號。不過呢啲都係傳媒對佢嘅誤解，或者係主動散播嘅煙幕，實際佢嘅男朋友另有其人。

呢幾年，劉佩玥同《超級巨聲》出身嘅大孖周志文傳出嘅緋聞，就最令人津津樂道，雖然佢哋一直未肯認戀，堅稱大家只係好朋友，但劉佩玥每次提起男方時，總係情不自禁甜甜蜜蜜。

據悉，劉佩玥同周志文已經有三年地下情，其實佢哋係圈中公開嘅秘密，皆因佢哋除咗經常結伴出席朋友嘅派對聚會之外，女方仲做啊嫂參加男方侄女嘅生日派對，融入周家之中。

對于外界力指周志文花心成性，更有傳佢因為私生活混亂，導致其2015年畀TVB提前解約，但劉佩玥卻多次力撐護愛，澄清男方唔係花心，大贊佢係好男仔。

較早前，劉佩玥毫避嫌喺社交平臺曬出，佢同周志文合唱經典動畫情歌《A Whole New World》嘅短片，見到佢哋深情對望，畫面甜蜜蜜，疑似為公開戀情而作出鋪路。

除此之外，劉佩玥為咗見男友周志文，經常獨自去周志文獨居嘅藍田平田邨公屋，佢甚至無懼同邨日前曾經發生咸濕阿伯非禮僆妹嘅風化案，佢都心甘命抵冒險送上門，兩個人嘅親密關係，不言而喻喇。