前港姐湯洛雯同TVB小生羅天宇，因為喺2013年拍攝《愛回家》嘅時候結緣成為男女朋友，兩人曾經拍拖4年幾，但好可惜呢段感情最終喺2017年宣布分手。
不過喺近段時間睇嚟，兩人似乎又藕斷絲連，較早前佢哋更加獲TVB親手撮合，安排兩人到挪威拍攝節目，可以講係攞正牌過二人世界。
雖然外界對佢哋嘅“復合”之聲不斷，但最終都畀湯洛雯否認，只承認兩人係好朋友嘅關係。
日前，湯洛雯突然間喺社交平臺愁爆發文：“或者一次就緊足夠。”，之後又喺限時動態上表示“有啲攰嘅感覺，身同心。”！
但喺眾多留言中，舊愛羅天宇都有出現，佢係留言同樣留低‘…………’嘅回復，不過兩個人嘅互動馬上畀莊思明質疑，兩個人喺到耍花槍，莊思明話：“你哋唔好喺到打摩斯密碼。”湯洛雯最後簡單回復話：“係佢抄我啊。”
Like MisshkNews Facebook！不出门也能知天下事～
