前港姐李松蔓（前名李天縱），日前佢自爆嘅右頸位置出現腫瘤，隨即求醫照超聲波檢查，發現腫瘤體積有近3.5cm大，情況令人擔心，呢日佢喺社交平臺發文報平安。
李松蔓話：「啱啱做完手術，已經逐漸康復，大家一定要堅持做運動呀，多謝大家關心，微創手術好成功，感恩主。」另外佢又曬出幾張近照，見佢以Bra top貼身運動褲上陣，大騷弗爆身材，睇嚟佢已經恢復最佳狀態。
另外李松蔓呢排已經復工，為TVB新劇《雙生陌生人》開工，佢表示：「呢次挑戰四川話加廣東話，瞬間覺得兩邊唔到岸，迎難而上啦。」
1987年出世嘅李松蔓，原名叫做李天縱，佢現時係TVB旗下力捧嘅新晉小花。前年，李松蔓憑人氣劇集《宮心計2深宮計》人氣大升，喺劇中演水仙一角色嘅佢，演技大獲好評，因此而備受關注。
另外，較早前李松蔓又憑TVB首部4K劇集《不懂撒嬌的女人》成功上位，佢喺劇中演Tyra一角好搶鏡，令唔少觀眾都眼前一亮。不可否認，李松蔓確實系一位好努力上進嘅演員。
據悉，李松蔓係一位多才多藝嘅才女，佢喺12歲開始就讀北京戲曲藝術學校附屬中學（現為北京戲曲藝術職業學院），在校時修讀民族民間舞。
后來，李松蔓畢業于北京電影學院表演系、中國傳媒大學播音系本科，無論係學歷定生活閱歷，佢都好豐富，明白世道。
2011年，李松蔓返香港參加咗香港小姐嘅競選，雖然冇緣晉身三甲，但憑住出色表現，獲得無線嘅賞識，成功簽約TVB旗下發展。
一開始李松蔓被安排為娛樂新聞臺擔任主播，之后又為旅游節目主持，期間，因為喺節目中大騷驕人身材而走紅。
而家，李松蔓主力拍劇，而家已經喺多部TVB劇集中亮相，期待李松蔓繼續為觀眾帶嚟多啲精彩作品！
Like MisshkNews Facebook！不出门也能知天下事～
