前港姐復工成功，解放「32C小籠包」

前港姐朱智賢舊年因為偷食人夫黎振燁畀TVB雪藏，繼《愛美麗狂想曲》出街试水之后，呢排佢更宣布正式復工，終於唔使保持健康形象扮從良，「32C小籠包」卒之可以重见天日，做返真實嘅自己！

呢日朱智賢以黑色一件頭泳衣示人，魚網設計中門大開，大晒豐滿上圍，留言話：「始終最鐘意都係去沙灘，陽光與沙灘我至愛，上完山就下海。」

講到朱智賢，其實佢喺2012年就報名參加咗香港小姐競選，但可惜喺初賽就畀人淘汰，2013年佢卷土重來，最終順利入圍成為20強，好彩嘅朱智賢獲得咗TVB高層賞識，順加入TVB發展其演藝事業。

啱啱入行嘅朱智賢同好多港姐一樣，從主持人開始做起，而朱智賢喺《東張西望》、《3日2夜》入面都有亮眼嘅主持表現。

後尾，朱智賢開始喺各大劇集有份參演，好似喺《愛情食物鏈》、《溏心風暴3》、《救妻同學會》等劇集都有佢嘅身影。

最后missH祝福朱智賢事業發展得越嚟越好！