現年34歲嘅前港姐王君馨（Grace）喺2016年嗰陣下嫁圈外男友，佢哋結婚4年內有無數人問王君馨一個問題「幾時生小朋友呀？」，可能呢幾年王君馨一直專注演藝事業，因此冇生B大計。
而尋日王君馨喺社交平台宣佈，見到佢用好多氣球做背景，更加遮掩咗佢嘅下半身，之後更宣佈有咗，仲留言話：「大家成日問我幾時生BB，我想講我陀咗六個月嘅BB。」
睇到呢度有唔少藝人朋友同網民已經想恭喜佢，但再睇真啲，王君馨專登隔咗一行再打一句「六日後就出世喇」原來係佢嘅自家品牌將要出世。
誤會一場，當中岑麗香反應最大：「天啊！恭喜你寶貝，等唔切想同你慶祝。」，亦有網民留言「大家都以為係真嘅。」、「好驚喜。」至於圈中好友如鍾嘉欣、朱千雪、李佳芯、謝安琪等人都有留言恭喜，預祝王君馨新牌子順利誕生。
講到王君馨，原來佢對上一部TVB劇集已經係一年前嘅警匪劇《鐵探》，其有份演出已殺青嘅新劇《唐人街》同《失憶二十四小時》今年內有望播出。
現年33歲嘅王君馨喺2007年參選香港小姐，奪得亞軍同獲得友誼小姐好成績而進入娛樂圈。
次年，王君馨就獲TVB力捧，參加《舞動奇跡2》同俞灝明拍乸跳舞奪得冠軍，兩人更因此成為好朋友。
之後王君馨獲TVB力捧開始拍攝電視劇，期間拍攝過《MY盛lady》、《飛虎2》、《公公出宮》、《心理追兇》等劇集。
唔理點樣，王君馨正處于自己事業發展嘅黃金時期，都係希望王君馨喺之後嘅事業上可以有所成就，期待佢嘅表演，同埋祝王君馨生日快樂！
Like MisshkNews Facebook！不出门也能知天下事～
