前港姐宣佈離婚後首度現身，見到記者馬上走後門

現年27歲嘅2014年港姐季軍何艷娟，喺5月1日突然宣布與67歲澳博營運總裁吳志誠離婚，何艷娟喺IG寫道：「在和平和友好的情況下，我們決定分開了。並說好了大家再見亦是好朋友，並且彼此多謝大家和互相祝福。」令不少網民大感驚訝。

之後傳佢同已故知名敎育家陳樹渠嘅55歲長子、寶聲集團董事長陳燿璋喺派對上舉止親昵，惹來外界諸多揣測。

何艷娟尋日畀媒體發現為無線處境劇《愛回家之開心速遞》開工，劇中飾演龍家三房女兒「龍作蜜」嘅佢喺教堂內拍攝。

今次系佢宣布離婚之後首次現身蒲頭，佢睇上去心情似乎未有太大影響，未拍攝時頻頻低頭睇手機或者閉目養神。

當知道有記者守候，何艷娟即刻講臨時有急事，放飯時間專登避開記者，喺雨中玩捉迷藏，穩工人員掩護從後門偷偷離開，當被發現時即加快腳步走人，對記者問題一概不作回應。

之後更搵到工作人員幫手避開記者，再叫保安向記者查問，聲稱藝人不愿接受訪問同影相，并請記者離開，何艷娟借啲意逃去服裝間，記者想上去采訪時，保安再度出手阻撓。

何艷娟換完衫離開服裝間嘅時候，又再次遇到記者，當記者禮貌請佢影相，佢竟然毫不理會，左閃右避一輪之後，想跟同劇陳偉琪一齊走入電梯內，并即刻按關門，由於無處可逃，此時何艷娟無可奈何先勉強畀記者影相，媒體話佢全程欠大方同好唔合作。