今日藝人洪天明就喺社交網上上載一張“三代同堂”嘅大合照，為咗同阿爸洪金寶慶祝67歲嘅生日，當中就有洪天明一家、洪天祥、洪煦榆等均齊齊出席，場面好溫馨幸福。
同時，洪天明仲留言話：“生日快樂，爸爸。”
咁最近主持ViuTV新節目《友枱VIP》嘅周家蔚，從細對下廚就好講究，而當初同洪天明結緣，都正系因為“食”出感覺嚟。
佢話：「其實我同天明都系拍旅游特輯食出感覺嚟，我哋口味一樣，如果唔系，一定唔會選佢。”
至於今次老爺洪金寶生日，系咪有親自下廚。煮上幾味讓大家一嘗手勢？周家蔚就笑話，上次有邀請老爺上節目坐，已經當下廚煮咗。 
佢話：“嗰次煮黑毛豬有啲失策，煮出嚟有啲粉紅色佢唔敢食。尋日正日就一齊出去食咗飯，有朋友喺馬來西亞攞咗條大魚返嚟。佢食得好滋味、好開心，我就可以休息下，拍呢個節目都系一直煮嘢。” 
喺2012年就同洪天明舉行婚禮嘅周家蔚，結婚之后育有兩子，一家四口幸福美滿。不過隨著仔仔們一日一日長大。
周家蔚就表示，希望可以再追一個，生“豬女”，湊成“好”字。佢話：“喺呢個方向我系準備好。
之前唔敢生系因為怕瘦唔落嚟，而家有喺度做喼弗代餐嘅產品，揾到方法就瘦到唔辛苦。”
不過周家蔚就表示老公洪天明直言兩個就已經足夠，佢話：「佢（洪天明）有講過兩個就足夠，哥哥就想要個妹妹！
佢仲好得意嘅同我講生個妹妹畀佢，有時鐘麗淇、湯盈盈、姚樂怡個女來玩都會好照顧佢哋。
但細佬怕佢會呷醋，不過佢玩好多公仔玩具，有妹妹就可以‘過繼’畀佢，都要畀啲壓力老公。”
話雖如此，最近周家蔚都再次投資百萬繼續進軍美容界，儘管之前經營童裝生意嘅時候，因為競爭太大成本又貴，導致當初嘅百萬投資最后剩咗40箱衫，佢就表示有啲捐咗，有啲就俾咗工人家姐，唔知一心要做一個成功創業家嘅佢，到時家有無時間生B帶B呢？ 
所謂“女本柔弱為母則剛”，喺當初23歲時候參選港姐奪得亞軍之后，入行娛樂圈打拼到升呢做人妻再到人母，為照顧家庭淡出娛樂圈，又投資各類生意創業，周家蔚可以講系女強人喇。 
而家周家蔚仲做埋飲食節目，至於老公會否就次投訴，佢只系淡淡話：「佢鐘意我有嘢做，佢想有一個好有用嘅周家蔚，又可以幫手賺錢，總之女人唔易做。” 
都話“豬”年寶寶好服氣，唔知夫妻兩人最后可唔可以達成共識再追個“豬女”寶寶呢？
唔理點，希望周家蔚生意越做越好，繼續加油！
Like MisshkNews Facebook！不出门也能知天下事～
