前港姐升呢做財俊老婆，好姊妹感動到喊

前港姐岑杏賢繼舊愛袁偉豪結婚之后，亦即趕住升呢做財俊老婆，日前佢低調同圈外男友張嘉俊（Kelvin）簽字注冊結婚，一班好姊妹朱千雪、湯洛雯同張嘉兒都有出席，佢哋更感動到喊。

早喺9月嗰陣，岑杏賢慶祝32歲生日之后，就喺社交平臺代宣布即將升呢做人妻嘅消息，除咗岑杏賢更大曬婚戒之外，佢更喺社交平臺曬出同Kelvin嘅合照放閃，坦言已經揾到Mr.Right！

問到睇到岑杏賢結婚有冇感動到喊？朱千雪笑住話：「岑杏賢著住婚紗行出嚟嗰陣我有喊呀，因為我覺得好感動，佢好靚，非常之戥佢開心！」

而湯洛雯受訪時話：「婚禮好warm、好sweet，同岑杏賢一齊分享喜悅，睇到佢出嫁好開心，我哋個個都好感動。」

至於張嘉兒話：「今日好開心，岑杏賢同老公好登對，恭喜佢哋。」記者問到張嘉兒囡囡有冇做花女？佢話：「岑杏賢本來都有邀請囡囡出席，但疫情關係所以婚禮簡單為主，囡囡冇出席。」

另外岑杏賢都有喺社交平臺留言話：「宣讀了誓詞，戴上咗結婚戒指，成為妻子‍♂️❤。同樣選擇咗呢一日，為大家帶上印有名字手鏈，承諾咗我哋嘅友誼 ❤ 呢一日嘅一點一滴，我永遠都唔會忘記。」

岑杏賢同4位好姊妹蔣家旻、朱千雪、張嘉兒同湯洛雯齊齊伸出一隻手大晒友誼手鏈。