前港姐朱智賢（Ashley）畀爆背著謝東閔搭上有婦之夫黎振燁之後，雖然獲得男友謝東閔護航，但形象依然係直插谷底、事業急凍，包括《東張西望》主持工作亦都畀煞停。
呢排朱智賢開始「解封」，更新社交平臺至於更拍行山片放YouTube，片段上載一日得400幾個播放量，不過留言原來卻好精彩。
影片主題為「香港三尖之一 青山 海拔581米 行山如人生 關關難過 關關過」，大多數網民留言都係撐朱智賢。
不過都有網民問到：「點解要做人小三呀？明明自己都有男朋友。」而朱智賢就回覆話：「點解要留言呀？明明自己乜都唔知。」最后網民只簡單留言一句還擊：「回覆得好工整，搶人老公！」
講到朱智賢，其實佢喺2012年就報名參加咗香港小姐競選，但可惜喺初賽就畀人淘汰，2013年佢卷土重來，最終順利入圍成為20強，好彩嘅朱智賢獲得咗TVB高層賞識，順加入TVB發展其演藝事業。
啱啱入行嘅朱智賢同好多港姐一樣，從主持人開始做起，而朱智賢喺《東張西望》、《3日2夜》入面都有亮眼嘅主持表現。
後尾，朱智賢開始喺各大劇集有份參演，好似喺《愛情食物鏈》、《溏心風暴3》、《救妻同學會》等劇集都有佢嘅身影。
最后missH祝福朱智賢事業發展得越嚟越好！
Like MisshkNews Facebook！不出门也能知天下事～
